10.10.2024 ж. Жастардың әскери-патриоттық тәрбиесін арттыру, сананы жаңғырту, Отаншылдыққа тәрбиелеу мақсатында Жоғары медициналық колледждің «Жас сарбаз» әскери-патриоттық клуб мүшелері Астана қаласы №68665 әскери бөлімінде болды.
Экскурсия барысында студенттер сап түзеп, әскери құрал-саймандар мен әскери көліктерді көріп тамашалады. Әскери қызметтің тұрмыс-тіршілігімен танысты.
#ЖАССАРБАЗ
09.10.2024ж. «Жарқын Болашақ» бағдарламасы – Жаңаөзен, Түпқараған, Маңғыстау, Қарақия, Бейнеу және Мұнайлы аудандарының жасөспірімдеріне
еліміздің алдыңғы қатарлы оқу орындарында білім алуға жағдай жасау мақсатында еліміздің білім беру мекемелеріне грант иегерлерін қабылдау, іріктеуді іске асырады.
Жоғары медициналық колледжде жаңа оқу жылынан бастап осы бағдарлама аясында 4 білім алушы жалпы практикадағы мейіргерлік іс біліктілігі бағытында білім алуда.
Жақында «Жарқын Болашақ» бағдарламасының кураторы Мұхаметқали Зарина Нұрланқызы студенттермен кездесіп, түсіндірме жұмыстарын жүргізді.
05.10.2024 ж. Жоғары медициналық колледж оқытушылары мен студенттері «Таза Қазақстан» экологиялық айлық аясында өтіп жатқан «Астана – тазалық пен тәртіптің үлгісі» атты сенбілікті жалғастырды. Олар колледж маңы мен жатақхана маңын тазалады.
#сенбілік
Ағымдағы жылдың 27.09-04.10 аралығында Жоғары медициналық колледжде бірыңғай «Бала қауіпсіздігі – қоғам келешегі» тақырыбында ата-аналар жиналысы өткізілді.
Білім алушылардың әлеуметтік желілердегі қауіпсіздігін сақтау, ата-аналармен қарым-қатынасты жандандыру мақсатында колледжге ата-аналар шақырылып, еркін диалог форматында өткен жиында талқылау, пікір алысу болды.
02.10.2024ж. Жоғары медициналық колледж студенттері ««Жаңару» жалпыұлттық сыбайлас жемқорлыққа қарсы қозғалыс» Республикалық қоғамдық бірлестігі Астана қалалық филиал директорының орынбасары Қаппаров Дарын Құралұлымен кездесті. Кездесудің мақсаты білім алушылардың сыбайлас жемқорлық көріністеріне төзбеушілік көзқарастарын, сыбайлас жемқорлыққа қарсы мәдениетін қалыптастыру.
01.10.2024ж. Жоғары медициналық колледж Қарттар күні мен ұстаздар күнін қатар атап өтті. «Ұстазға ұлы құрмет» атты мерекелік іс-шараға 11 м\і жауапты болды. Колледжге көп уақыттан бері еңбегі сіңген ардагер ұстаздар шақырылды. Мерекелік іс-шараны колледж директоры Ақбала Нұрсейітовна құттықтау сөзімен ашып, ардагерлерді мерекелерімен құттықтады. Жемісті еңбек еткен оқытушыларды Мақтау қағаздары және Алғыс хаттармен марапаттады.
Білім алушылар құрметті қонақтарына гүл сыйлап, қошемет көрсетті. Ән салды, би биледі, арнау өлеңдерін оқыды. Шара соңында естелікке суретке түсті.
#ұстаздар күні
