Конкурстық іріктеу критерийлері

Конкурстық іріктеу критерийлері

Қазақстан Республикасы Білім министрінің 2018 жылғы 18 қазандағы №578 бұйрығына (2025 жылғы 3 шілдедегі №153 бұйрықпен өзгерістер енгізілген) сәйкес «Техникалық және кәсіптік, орта білімнен кейінгі білім беру ұйымдарына қабылдаудың үлгілік қағидаларын бекіту туралы» (республикалық, облыстық, республикалық маңызы бар қала және астана олимпиадалық резервтегі мамандандырылған мектеп-интернат-колледждеріне, сондай-ақ спортта дарынды балаларға арналған мамандандырылған мектеп-интернаттарға қолданылмайды), медициналық мамандықтарға түсуші талапкерлерді қабылдау конкурсы ақпараттық жүйе арқылы автоматтандырылған түрде өткізіледі. Конкурс білім туралы құжаттағы міндетті және бейіндік пәндер бойынша орташа бағаға, ТжКБ ұйымдары өткізетін арнайы емтихандардың нәтижелеріне және қабылдау квотасына сәйкес жүзеге асырылады.

Конкурс орташа конкурстық баллдың (ОКБ) негізінде өткізіледі. ОКБ пәндер бойынша бағалар мен арнайы емтихан бағаларының қосындысын олардың жалпы санына бөлу арқылы анықталады.

• Негізгі орта білім (9 сынып) негізінде түсушілер үшін орташа балл үш пән бойынша есептеледі: міндетті пән (қазақ тілі немесе орыс тілі) және екі бейіндік пән (биология, химия).

• Жалпы орта білім (11 сынып) негізінде түсушілер үшін орташа балл төрт пән бойынша есептеледі: міндетті пәндер (қазақ тілі немесе орыс тілі, Қазақстан тарихы) және екі бейіндік пән (биология, химия).

Міндетті және бейіндік пәндердің бағалары ақпараттық жүйеге Ұлттық білім беру деректер қорынан (ҰБДҚ) интеграцияланады.

Арнайы емтихан нәтижелері бойынша жүйеге бағалар (5, 4, 3, 2) енгізіледі. Арнайы емтиханнан қанағаттанарлықсыз баға алған талапкерлер конкурсқа жіберілмейді.

Орташа конкурстық балл тең болған жағдайда білім туралы құжаттың орташа балы және №261 бұйрыққа сәйкес квота санаты ескеріледі.

Арнайы емтиханды бағалау кр(итерийлері