Кітапхана қоры туралы

Жоғары медициналық колледждің кітапханасы –  студенттерге, оқытушыларға және колледж қызметкерлеріне білім мен ақпараттың алуан түрлі көздеріне қол жеткізу мүмкіндігін ұсынатын заманауи ақпараттық-білім беру орталығы.

Кітапхана – бұл жай ғана кітап алатын орын емес, бұл өсіп-өркендеу, оқыту және кәсіби мақсаттарға жету кеңістігі. Біз білімге қол жеткізуді әрбір пайдаланушы үшін барынша ыңғайлы және пайдалы етуге тырысамыз.

Кітапхананың миссиясы

Медициналық мамандарды сапалы кәсіби даярлауға заманауи білім беру және ғылыми ресурстарға қолжетімділікті қамтамасыз ету, оқу процесіне қолдау көрсету және пайдаланушылардың ақпараттық мәдениетін дамыту арқылы ықпал ету.

Кітапхана қызметінің міндеттері:

Білім беру – оқу-тәрбие процесін қамтамасыз ету және  сүйемелдеу;

Ақпараттық – ақпаратты оның түріне, форматына немесе тасымалдаушысына қарамастан пайдалану мүмкіндігін ұсыну;

Мәдени – оқушылардың жан-жақты дамуына ықпал ететін мәдени және әлеуметтік сананы тәрбиелейтін іс-шараларды ұйымдастыру.

Оқушыларға қызмет көрсету ақпараттық-талдау құзыреттілігін қалыптастыруға, кез келген ақпаратты іздеу, таңдау және сыни бағалау дағдыларын дамытуға, әлеуметтік-мәдени жобалауға және өз бетінше аудиториядан тыс жұмыстарды орындауға бағытталған. Кітапхана өткізетін іс-шаралар нысандарының мазмұны қолжетімділік пен тартымдылық қағидаттарын көрсетеді. Олардың мақсаты білім алушылардың ой-өрісін кеңейту, патриоттық сезім мен азаматтық сана-сезімді нығайтумен қатар, оқушыларды бос уақытында кітап оқуға тарту болып табылады.

Кітапханада оқырмандарға қызмет көрсету үшін:

- оқу әдебиет абонементі;

- көркем әдебиет абонементі;

- оқу залы. 32 орынға арналған  оқу залы 7 компьютермен жабдықталып жергілікті желіге қосылған және интернетке қолжетімді, бұл білім алушылар  мен оқытушыларға білім беру порталдары мен кітапханалардың сайттарынан ақпарат табуға мүмкіндік береді;

-  кітап қоймасы жұмыс істейді.

Кітапхана қоры колледждің оқу жоспарына және кітаппен қамтамасыз ету нормаларына сәйкес қалыптасады. 2024-2025 оқу жылында қор 71 489 дананы құрайды.

Кітапхананың кітап қоры жыл сайын сапалы түрде жаңартылып отырады.                2024-2025 оқу жылына 285 дана кітап сатып алынды. Кітапхананы клиникалық пәндер бойынша мемлекеттік, орыс және ағылшын тілдеріндегі оқулықтармен толықтыруға ерекше көңіл бөлінеді. Сондай-ақ, кітапхана қоры электрондық оқулықтармен толықтырылуда.

Жаңа кітаптар тұрақты түрде оқу залында көрмеге қойылады.

Білім беру мазмұнын қалыптастыруда мерзімді басылымдардың маңызы зор. Кітапхана жыл сайын 13 атаудағы газет-журналдарды жаздырып алады. Бұл  студенттер мен оқытушылар үшін ғылыми, білім беру және кәсіби қызығушылық тудыратын қазақ және орыс тілдеріндегі республикалық басылымдар.

Кітапхана тек колледждің бейініне сәйкес келетін құжаттарды жинақтаумен ғана шектелмей, сонымен қатар пайдаланушыларды оқу процесін қолдауға қажетті ақпараттың барлық спектрімен қамтамасыз ететін, білім іздеу мен алуға қолайлы жағдай жасайтын, көрсетілетін қызметтердің сапасын жақсартуға арналған инновациялық технологияларды енгізетін және пайдаланушылардың ғылыми-ақпараттық мәдениетін дамытатын нақты ақпараттық орталық болуға ұмтылады. Осы міндеттерді орындау үшін кітапханада барлық жағдай жасалған.

2010 жылдың қазан айынан бастап колледж кітапханасында «Кітапхана ісі» ақпараттық-кітапханалық жүйесі енгізілді. 2018 жылдың қаңтар айынан бастап ҚЭДХО – Қазақстан сараптамалық-құқықтық порталына: ACTUALIC – медицина, ACTUALIC – білім беру қолжетімділігі қамтамасыз етілді. 2018 жылдың мамыр айынан бастап «Боткин» ішкі аурулар бойынша 3D конструкторы бағдарламалық кешені енгізілді.

Студенттердің тұлғалық үйлесімді дамуына және олардың рухани өсуіне қолдау көрсету мақсатында кітапхана әртүрлі формадағы және әдістердегі көпшілік жұмыстар ұйымдастырады: көрмелер, кештер, конференциялар, кездесулер, тұсаукесерлер.

Жоғары медициналық колледждің кітапханасына қош келдіңіздер – сіздің кәсіби табысқа жетудегі сенімді серіктесіңіз!