03.05.2023ж. Жоғары медициналық колледж 12 «Мейіргерлік іс» тобы студенттері 07 мамыр – Отан қорғаушылар күніне орай «Право» қоғамдық қорының ұйымдастыруымен Астана қаласы колледж студенттері арасында өткізілген қалалық «Ерлік мәңгі есімде» әскери патриоттық әндер байқауына қатынасып, І - орын Мадақтамасымен марапатталды.
Жарайсыңдар!
28.04.2023ж. Жоғары медициналық колледжде 1 мамыр - Қазақстан Республикасының мекендеген ұлттар мен ұлыстар достығы және бірлігі күніне арналған «Ынтымақ, бірлік, келісім – ең басты байлық ел үшін» атты мерекелік іс-шара өтті. Мерекелік шараға жауапты 111 м\і қ. бакалавр топ студенттері болды. Шарада колледж студенттері әр ұлт өкілдерінің салт-дәстүрлері, ұлттық киімі мен тілін дәріптеді, әнін айтты, биін биледі. Бір шаңырақ астында өмір сүріп жатқан көп ұлтты Қазақстанның ұлттар достығын насихаттады.
Шара соңында әр топқа әкімшілік атынан «Мақтау қағаздары» тапсырылды.
«Қоғам және денсаулық» атты 10 күндік марафон аясында 28 сәуір күні тарих пәні оқытушысы Сулейменова Сара Нурсейтовнаның ұйымдастыруымен 1 курс студенттері арасында «Ежелгі әлемдік медицина» тақырыбы бойынша дөңгелек үстел өткізді. Студенттер әр елдің медицинасы туралы құнды ақпараттармен бөлісіп, олардың ұқсастықтары мен айырмашылықтары туралы талқылап, ой бөлісті. Оқытушылар да өз пікірлерін ортаға салды.
«Қоғам және денсаулық» атты 10 күндік марафон аясында 26 сәуір күні денешынықтыру пәні оқытушыларының ұйымдастыруымен 123 еі тобы студенттері арасында «Үстел теннисі» бойынша ойын өткізді. Студенттер өте белсенділікпен қатысты. Сабақ өте жақсы өтті. Спортық ойындардың барлығы да қызықты әрі денсаулыққа пайдалы.
«Қоғам және денсаулық» атты 10 күндік марафон аясында 26 сәуір күні химия пәні оқытушысы Бозбаева Гулимжан Онаевнаның ұйымдастыруымен 11 еі тобында «Хромосомалар санының ауытқуымен байланысты адамның хромосомалық аурулары» тақырыбында ашық сабақ өткізді. Студенттер хромосомалық ауралар тарихын, себептері мен көріністері туралы жан-жақты мәліметтер берді. Оқытушының тапсырмаларын белсене орындап, пәнге деген қызығушылықтарын көрсетті. Сабақ өте жақсы өтті.
27.04.2023ж. Жоғары медициналық колледжден 100 студент саяси қуғын-сүргін және тоталитаризм құрбандарының «АЛЖИР» мемориалдық-мұражай кешеніне барды. Мұражай кешенін аралау кезінде білім алушылар экспозициялар мен басты залдарды көріп, танысты. «Қасірет қақпасы», «Сталиндік вагон», «антикеңестік әрекеттерге баруы ықтимал, әлеуметтік қауіпті» деп танылған тұтқын әйелдер тұрған барак кез келген адамзат баласына үлкен ой тастары сөзсіз. Музей өкілдері тарапынан таныстыру жұмыстары жүріп, тарих қойнауынан фильм көрсетілді.
