19.04.2024ж. Жоғары медициналық колледждің кітапханасында колледж мүлкіне ұқыпты қарауға насихаттау мақсатында 123 м\і қолданбалы бакалавр тобы студенттері «Колледж мүлкіне ұқыпты қарау - экологиялық сананың маңызды бөлігі» челленджін бастады. Онда білім алушылар кітаптарды түптеу, жапсыру жұмыстарын жасап, кітапханашыларға көмектесті. «Кітап – ақылшы досың». Колледжден бастау алған челлендж өз жалғасын табатын болады.
19.04.2024ж. Жоғары медициналық колледж «Жас сарбаз» клубының суденттері Қазақстан Республикасы қарулы күштерінің әскери-тарихи музейінде болды. Білім алушылар әскери-тарихи музейіндегі тарихи кезеңдердің куәсі болды. Бұл Отанды қорғауда өз елінің патриоты болуға, Отанды сүюге, құрметтеуге насихаттайды.
19.04.2024 ж. Жоғары медициналық колледж студенттері «Таза Қазақстан» экологиялық акциясы аясында Халық қаһарманы Рахымжан Қошқарбаев ескерткішінің маңын тазалауға барды. Рейхстагқа жеңіс туын тіккен қазақ батырының ерен ерлігі келешек ұрпаққа үлгі өнеге.
Білім алушыларға Отан алдындағы азаматтық борышын адал атқарған батырдың өмірі мен қызметі жайлы ақпараттар берілді.
19.04.2024ж. Жоғары медициналық колледжде «Киелі мекен» бағыты бойынша «ЕкоIZDENPAZ» тақырыбында студенттер арасында климаттың өзгеруі, қайта өңдеу, биоалуантүрлілік сияқты экологиялық мәселелер бойынша конференция өтті. «Адамның табиғатсыз күні жоқ, Табиғаттың оны айтуға тілі жоқ» деген нақыл сөздің құндылығын түсіндіре отырып, білім алушылар экологиялық ғылымдар бағытында терең пікір алмасты.
19.04.2024ж. Жоғары медициналық колледжде 08.04-19.04 аралығында өткен «Мінез-құлық және қарым-қатынас мәдениеті» атты онкүндігінің қорытынды «Арманың мен мақсатыңды жат қылықтан қорға!» атты іс-шарасы өтті.
«Сөйлесу дөңгелегі» алаңында өткен шараға Астана қаласы Дін істері жөніндегі басқармасы «Діндерді зерттеу орталығы» теолог мамандары Жақсыбек Әділхан, Қасымов Бердімұрат және Астана қаласы №3 емхананың
психологі Демидова Ю.С. шақырылды.
Олар студенттермен ұсынылған тақырып бойынша интерактивті әрекеттерге қатысып, мақсатқа жету жолындағы шешімдермен бөлісті. Қызықты да маңызды өткен шарадан соң қонақтармен естелікке суретке түсті.
18.04.2024 ж. Әскери қайраткер, армия генералы, Кеңес Одағының батыры, Халық қаҺарманы Сағадат Нұрмағамбетовтың 100 жылдығына орай өтіп жатқан «Патриот» апталығы аясында 12 «Мейіргер ісі» тобы студенттерімен топ жетекшісі Т.Амантаева «Мәңгілік ел: Сағадат Нұрмағамбетов» атты тақырыпта тәрбие сағатын өткізді. Патриоттық, ұлтжандылық бағытта өткізілген тәрбие сағатында білім алушылар С.Нұрмағамбетовтың өмірі мен қызметі, еліне сіңірген ерен еңбегі жайлы мағлұматтар алды.
