01.11.2022ж. Жоғары медициналық колледж студенттеріне Астана қаласы «Діндерді зерттеу орталығы» ЖШС өкілдері Т.Советов, А.Жангараев «Діни сауаттылықты арттыру» атты тақырыпта дәріс өткізді.
Дәріс барысында рухани оқу орындарынан басқа білім беру ұйымдарында қандай да болсын діни насихаттауға жол бермеу, қоғамда әлеуметтік қатынастарды діни догмалармен емес, елдің заңдарымен реттеу туралы түсіндіру жұмыстарын жүргізді.
2022 жылы 28 қазанында «Оқуға құштар колледж» тұжырымдамасын жүзеге асыру мақсатында Астана қаласының Жоғары медициналық колледж кітапханасында Ұстаз, ақын, ағартушы, қазақ әдебиетінің жазба және қазақ эдеби тілінің негізін қалаушы, философ, сазгер, аудармашы, саяси қайраткер Абай Құнанбайұлына арнап «Біз Абайды білеміз, оқимыз, бағалаймыз» атты әдеби аукционы өткізіліп, тақырыпқа сай «Абай әлемі» кітап көрмесі безендірілді.
Іс-шараға бірінші курс студенттері мен оқытушылар белсенді қатысты.
27.10.2022ж. Жоғары медициналық колледж ұжымы мен студенттері «Жас-Ай» халықаралық клиникасының бас директоры, медицина ғылымдарының докторы, профессор, академик Жасан Зекейұлы мен №91 мектеп-гимназиясының директоры, қалалық мәслихаттың депутаты Сегізбай Алмагүл Тлектесқызымен кездесті.
26.10.2022 ж. Жоғары медициналық колледжде № 3 қалалық емхана, СӨС дәрігері А. Нұрмағамбетов 1 курс студенттеріне «Нашақорлық пен алкоголизмнің алдын алу» тақырыбында семинар өткізді.
26.10.2022 ж. Жоғары медициналық колледждің 1, 2 курс студенттеріне «Болашаққа қадам» қоғамдық қорының тренерлері А.К.Жиенбаева, Н.П.Протченко, И.М.Зябликова мемлекеттік әлеуметтік тапсырысты іске асыру шеңберінде «АИТВ/ЖИТС алдын алу мәселелері» бойынша тренинг семинарын өткізді. Студенттер 2022 жылға арналған Астана қаласында АИТВ-инфекциясы бойынша эпидемиологиялық жағдаймен және қауіпсіз мінез-құлық дағдыларымен танысты.
