20.03.2023ж. Жоғары медициналық колледжде 22 наурыз мерекесі қарсаңында «Қош келдің, әз Наурыз» атты мерекелік іс-шара өтті. Наурыз мерекесінің ақ батасы беріліп, ақ жаулықты әжелер шашу шашты. Мерекелік думанымыздың бет пердесін колледж директоры Ақбала Нұрсейітовна құттықтау сөзімен ашып, жемісті жұмыс істеген оқытушыларға «Алғыс хаттар» тапсырды.
2023 ж. 17 наурыз күні колледжде «Ғылыми жұмыстағы клиникалық зерттеу әдістері» атты дөңгелек үстел өтті. Мақсаты: Ғылыми іздену жұмыстары мейіргер ісіндегі маңыздылығын анықтау, дәлелденген зерттеулер бойынша білім беру бағдарламаларының тиімділігін бағалау».
Дөңгелек үстелде қолданбалы бакалавр ББ ІІІ курс 131, 133, 134 қ/бак. студенттері, дипломдық жұмыстар ғылыми жетекшілері және қолданбалы бакалавр бітіруші түлектері қатысты.
Астана қаласы әкімдігінің «Жоғары медициналық колледжінде» ШЖҚ МКК 2023 жылғы 16 Наурызда «ОҚУҒА ҚҰШТАР КОЛЛЕДЖ» жобасының тұжырымдамасы шеңберінде арнайы пәндер оқытушысы Майжанова Галия Токтаровна кураторлық 11 е/і тобының білім алушыларымен «ЗЕЙІНДІЛЕР» ЖӘНЕ «ЗЕРЕКТІЛЕР» әдеби ойынын өткізді. Іс-шараның мақсаты: Абай Құнанбаевтың, Мағжан Жұмабаевтың әдеби мұрасы мен шығармашылығы туралы білім алушылардың түсініктерін кеңейту, білімдерін қызықты түрде тексеру. Бұл іс-шара қазақ халқының данышпандарының ұлылығынан хабардар болуға, түсінуге және шығармашылықты олардың ішкі әлемі арқылы өткізуге ықпал етті.
10.03.2023ж. Жоғары медициналық колледж Студенттік Парламентінің жаңа мүшелері колледж директоры Ақбала Нұрсейітқызымен кездесті. 8 фракцияның көшбасшылары ойларын ортаға салып, өз жоспарларымен бөлісті. Ақбала Нұрсейітқызы «Өзін-өзі басқару» ұйымының мүшелерінің жұмысына сәттілік тіледі.
