15.05.2024ж. Жоғары медициналық колледж оқытушылары мен студенттері Астана қаласы №78 мектеп-гимназиясына барып, кәсіптік бағдар беру жұмысын жүргізді.
Ата-аналарға колледж дайындайтын мамандықтар бойынша видеоролик көрсетті, ақпараттық баннермен таныстырып, «Талапкер - 2024» ақпараттық матеиалдарын таратты. Қызығушылық танытқан ата-аналар тарапынан болған сауалдарға жауап берді.
14.05.2024ж. «Париж 2024 жылғы Олимпиаданы қарсы алады!» олимпиадалық апталығы аясында Жоғары медициналық колледжде шығармашылық байқау ұйымдастырылды.
12 м\і студенттері арасында «Менің Олимпиадам» тақырыбында эссе, 14 м/і білім алушыларымен «Менің сүйікті олимпиадалық спортым» атты тақырыпта шығарма жұмыстары жазылды. Орыс тілі пәні оқытушылары Джолдинова К.К., Абдирова Г.О. білім алушыларға кіріспе ретінде Парижде өтетін жазғы олимпиаданың маңызы жайлы ақпарат беріп, білім алушыларды спортпен жүйелі түрде айналысуға насихаттады.
14.05.2024ж. «Париж 2024 жылғы Олимпиаданы қарсы алады!» олимпиадалық апталығы аясында «Бірге – тезірек, жоғары, күшті!» ұранымен Жоғары медициналық колледж студенттері арасында бірыңғай тәрбие сағаттары өтті. 11 м/і тобымен «Олимпиада менің қатысуыммен басталады» тақырыбында өткен тәрбие сағатында білім алушыларға XXXIII жазғы Олимпиада ойындары ағымдағы жылдың 26 шілде мен 11 тамыз аралығында Парижде (Франция) өтетін жазғы Олимпиадасы жайлы ақпараттар берілді. Студенттер Қазақстаннан қатысатын спортшыларға сәттілік тіледі.
14.05.2024ж. Астана қаласы әкімдігінің №3 «Қалалық емхана» ШЖҚ МКК профилактика және әлеуметтік-психологиялық көмек бөлімінің СӨС дәрігері А.Нұрмағамбетов Жоғары медициналық колледждің кәмелетке толмаған студенттері арасында «Алкоголизм мен тұрмыстық зорлық-зомбылықтың алдын алу» тақырыбында семинар өткізді.
Семинар барысында алкоголь мен психотроптық заттарды теріс пайдаланудан туындаған тұрмыстық зорлық-зомбылықтың алдын алу мәселелері айтылды, сондай-ақ салауатты өмір салты қағидаттарын сақтаудың маңыздылығы мәселесі көтерілді. Маскүнемдіктің алдын алу мәселелерінде хабардарлықты арттыру бойынша студенттермен ақпараттық-түсіндіру жұмыстары жүргізілді.
14.05.2024ж. Жоғары медициналық колледждің 1 курс студенттері арасында Халық Қаhарманы Сағадат Нұрмағанбетов ерлігіне, Рақымжан Қошқарбаевтің 100 жылдығына арналған «NYSANA - 2024» пневматикалық мылтықтан оқ ату жарысы өтті. Білім алушылар арасында ең үздік деп Құлахмет Мансұр және Рымбек Әлібек танылды. Отанды қорғау – ел тыныштығын қорғау.
13.05.2024ж. Білім алушылардың тұрақты спортпен шұғылдануын ынталандыру, салауатты өмір салтын ұстану, олимпиадалық қозғалыс идеясын насихаттау мақсатында Жоғары медициналық колледжде «Олимпиада ойындарына дейін 100 күн» акциясын іске асыру аясында «Париж 2024 жылғы Олимпиаданы қарсы алады!» атты апталық басталды.
Студенттерді ақпараттандыруға бағытталған апталықтың бірінші күні өтті. Барлық білім алушыларды апталыққа белсене ат салысуға шақырамыз!
#ОЛИМПИАДАОЙЫНДАРЫНАДЕЙІН100КҮН-ВМК#
