10.05.2024ж. Жоғары медициналық колледждің топ жетекшілері топтар арасында «Бұлақтардағы таза су» атты тақырыпта бірыңғай танымдық сағаттарын өткізді. Студенттерге «Бұлақ көрсең – көзін аш» деген дана халқымыздың насихат сөзінің мән-мағынасын түсіндіре отырып, ормандар мен көлдердің қоғам байлығы екендігін, оны сақтау мен таза ұстаудың маңыздылығы жайлы насихаттады.
08.05.2024ж. «Таза Қазақстан» экоакциясы аясында Жоғары медициналық колледж жатақханасының студенттері арасында «Таза бұлақ» бағыты бойынша «ЭКО әлемі» суреттер конкурсы ұйымдастырылды. Олар жұмыстар бойынша стенд жасап, өз шығармаларын қорғау барысында қоғам назарын «Эко әлемге» аудару, жер бетіндегі ормандар мен көлдерді қорғауға, таза ұстауға насихаттады.
06.05.2024ж. Жоғары медициналық колледжде 09 мамыр – Ұлы Жеңіс күніне орай «Ерлігім – елім үшін!» атты салтанатты іс-шара өтті. Шара колледж директоры Ақбала Нұрсейітқызының құттықтау сөзімен ашылды.
12 м/і тобы студенттерінің қойған «Майдан даласынан үзік сыр» атты көрінісі көрермендер көңілінен шықты. Білім алушылар мереке күніне арнап «Синий платочек», «Смуглянка», «Огромное небо» әндерін нақышына келтіріп орындады, вальс биледі.
06.05.2024ж. Жоғары медициналық колледжде 07 мамыр – Отан қорғаушылар күніне орай «Менің Бақытым – менің Қазақстаным!» атты мерекелік шара өтті. Шараға 11 м\і тобы жауапты болды. Мерекелік шарада отставкадағы полковник Дүйсен Оразгалиевич Отан қорғау жолында әрбір ер азамат өз елін сүйетін патриот болу керектігін айтып, студенттер мен оқытушыларды мерекемен құттықтады. «Жас сарбаз» әскери-патриоттық клуб студенттері «Сарбаздарым!» әнін орындап, биледі. Шара соңында колледж директоры атынан оқытушылар мен қызметкерлерге «Алғыс хаттар» тапсырылды.
09 мамыр мерекесі қарсаңында колледж студенттері арасында ұйымдастырылған «Жеңіс жалауы» атты сурет байқауының қорытындысы шығарылып, І, ІІ, ІІІ орын алған білім алушылар марапатталды.
