Ағымдағы жылдың 02 сәуір күні «Сөз зергері» дебат клубы мүшелерімен студенттер арасында «Айтыс – жастар көзқарасында...» атты дебат өтті. Ж.Жабаевтің 175 жылдығы аясында ұйымдастырылған дебатта білім алушылардың айтыс өнеріне деген көзқарасы талқыланды. Сөз қадірін білген қазақ халқының құндылықтары жайлы сөз қозғалды.
Сәуірдің екінші жартысынан елорда тұрғындарын коронавирустық инфекцияға қарсы вакцинациялау басталмақ. Нұр-Сұлтан қаласының Қоғамдық денсаулық сақтау басқармасы медициналық ұйымда вакцинация алу бойынша нұсқаулық ұсынып отыр.
Өткен сағаттарда Білім және ғылым министрлігінің Балалардың құқықтарын қорғау комитеті балалардың әл-ауқатының қазақстандық индексінің жобасын ұсынды. Тұсаукесер Комитеттің YouTube-арнасында онлайн форматта өтті. Тікелей эфирге елордалық оқу орындары директорларының тәрбие ісі жөніндегі орынбасарлары, әлеуметтік педагогтар, психологтар, сондай-ақ ата-аналар қауымдастығының өкілдері қосылды. Жоғары медициналық колледждің атынан директордың оқу-тәрбие ісі жөніндегі орынбасары Ахмет Құлшәріп Ыбыханқызы, колледж психологы Құлахметова Рая Маханбетқызы, колледждің әлеуметтік педагогы Қожахметова Айгерім Нұрланқызы, сондай-ақ Жастар ісі жөніндегі комитеттің өкілі Қайыргелдина Айгерім Еркінқызы қатысты.
СӨС оқытушысы Тохтар Толеуханович коронавирустық инфекциядан алдын алу бойынша үшінші курс (оффлайн оқыту) студенттерімен кездесу өткізді. Дәріс барысында презентация көрсетілді.
Ағымдағы жылдың 26 наурыз күні Жоғары медициналық колледж жатақханасында тұратын студенттер арасында шектеу кезінде құқық бұзушылықтың алдын алу мақсатында колледж психологі мен Нұр-Сұлтан қ. ІІБ инспекторлары түсіндірме жұмыстарын жүргізіп, лекция оқыды. Студенттер тарапынан қойылған сауалдарға жауап берілді.
