1 мамыр күні Жоғары медициналық колледж ұжымы "Алматы ауданы" әкімшілігімен бірге ағаш отырғызу сенбілігіне қатысып, Бейбітшілік пен ынтымақ күні көтеріңкі көңіл-күй сыйлады.
"Біз әрдайым сүйікті қаламыздың таза да жасыл болуына өз үлесімізді қосуды азаматтық ұстанымымыз деп қабылдаймыз"- дейді оқытушылар қауымы.
Ағымдағы жылдың 30 сәуір күні 1 мамыр - Қазақстан халықтарының бірлігі күніне орай көп ұлтты еліміздің достастығын мақтан тұту, ел бірлігін насихаттау мақсатында колледж студенттері арасында "Ұлттық тағам" байқауы өтті.
2021 жылғы 30 сәуірде Нұр-Сұлтан қаласының Жоғары медициналық колледжінің ұйымдастыруымен «Анатомия, физиология, Патология» модулі» бойынша ОӘБ шеңберінде «Мейіргер ісі» мамандығы «Мейіргердің қолданбалы бакалавры» біліктілігімен «Эрудит-Анатомист-2021»» Республикалық қашықтықтан олимпиадасы өтті.
Олимпиадаға 17 жоғары медициналық колледжден 38 студент қатысты.
Олимпиаданың мақсаты:
1. Дарынды студенттерді интеллектуалды дамыту және қолдау үшін жағдайлар жасау;
2. Өз бетімен жұмыс жасау және кәсіби ойлау дағдыларын дамыту; студенттердің бойына адал бәсекелестік қағидаларын сіңіру;
3. Студенттердің бойында кәсіби өсу мен шығармашылық өзін-өзі жүзеге асыру ынтасын дамыту.
Ағымдағы жылдың 28 сәуір күні Білім басқармасы тарапынан «Діни экстремизм мен терроризмның алдын алу» бағытында түсірілген бейне ролик колледждің барлық студенттеріне жіберілді.Топ жетекшілер өз топтарының тәрбие сағаттарында тақырып бойынша әлемдегі діни экстремизм мен терроризм, оны болдырмаудың қажеттілігі, діни төзімділік пен ұлтаралық келісімді сақтау мәселелері, қазіргі таңдағы ислам дініне жат ағымдар туралы түсіндірме жұмыстарын жүргізді.
2021 жылдың 24 сәуір күні Нұр-Сұлтан қаласы әкімдігінің "Жоғары медициналық колледж" ШЖҚ МКК оқытушылары мен студенттері "Бірге Таза Қазақстан" экологиялық жобасын қолдап, Елорданы санитарлық тазалау және абаттандыру бойынша жалпықалалық сенбілікке қатысты.
Өз жұмысыңыздың нәтижесін көру өте жақсы, ал таза, жақсы жиналған аумақ айналаңыздағы адамдардың көз қуанышына айналады.
2021 жылғы колледж түлектері Елорданың барлық тұрғындары мен жастарын бей-жай қалмауға және айналадағы тазалық пен тәртіпті сақтауға шақырады!
Біз әрқашан сүйікті қаламыз үшін біргеміз!
