Ағымдағы жылдың 22 қыркүйек күні колледждің 1 курс студенттері Rixos President Astanaда өткен «International Education Fair 2022» Халықаралық білім беру көрмесіне қатысты.
Дүние жүзінен 100-ден аса білім ордаларынан келген өкілдердің білім алу бағытындағы жұмыстарымен танысып, шеберлік класына қатынасты.
17 қыркүйек - Халықаралық Тазалық күніне орай колледж ұжымы мен студенттері сенбілікке қатысты.
Ағымдағы жылдың 16 қыркүйегінде №3 қалалық емхананың әлеуметтік-психологиялық көмек бөлімшесінің меңгерушісі Н.Протченко, СӨС дәрігері А. Нұрмағамбетов, психолог Д. Мендина, гинеколог Д. Түсіпбекова, уролог-дәрігер С. Мақсымұлы «Шылым шегудің алдын алу», «Дұрыс тамақтану принциптері», «Жасөспірімдермен дағдарыстық кезеңде жұмыс істеу», «Синтетикалық заттарды қолданудың алдын алу», «Репродуктивті денсаулықты қорғау.Қыздардың жеке гигиенасы», «ЖЖБИ алдын алу» тақырыптарында Жоғары медициналық колледждің 1 курс студенттері арасында семинар өтті.
Ағымдағы жылдың 14 қыркүйек күні Жоғары медициналық колледж студенттері Нұр-Сұлтан қаласы «Алматы» ауданы ПБ ЖПҚБ ЮПБ УПИ полиция капитаны Е.Д.Утегенов, полиция лейтенанты С.А. Анваровпен кездесу өткізді.
Дөңгелек үстел форматында өткен кездесуде құқық қорғау өкілдері білім алушыларға кәмелеттік жасқа толмағандар арасындағы құқықбұзушылық, әлімжеттілік, бопсалау бағытында түсіндірме жұмыстарын жүргізіп, студенттер тарапынан қойылған сауалдарға жауап берді.
Ағымдағы жылдың 09 қыркүйек күні 11 «Емдеу ісі» фельдшер тобы білім алушыларымен Тілдер мерекесі апталығы аясында «Ахмет Байтұрсынұлы – ұлт мәдениетінің бәйтерегі» атты зияткерлік ойын өткізілді.
Студенттер «Алаш», «Тәуелсіздік», «Бәйтерек», «Өнер, білім бар жұрттар» болып топтарға бөлініп, бақ сынасты. Ойын кезінде білім алушылар сөз жұмбақтар шешіп, кластер құрастырды. Нәтижесінде «Алаш» тобы жеңіске жетті. Білімдерің шыңдала берсін дейміз.
