17.11.2022ж. Жоғары медициналық колледж студенттері «Саналы ұрпақ» клубының мүшелері Астана қаласы колледждерінің студенттік командалары арасында ұйымдастырылған «Не? Қайда? Қашан?» интеллектульді ойынына қатысты.
Жастар арасында сыбайлас жемқорлыққа қарсы мәдениетті арттыру мақсатында өткен іс-шарада колледж студенттері «Алғыс хатпен» марапатталды.
2022 жылғы 15 қарашада Астана қаласы әкімдігінің «Жоғары медициналық колледж» ШЖҚ МКК «Жұмыс беруші күні» атты іс-шара өтті.
Мақсаты: орта медицина қызметкерлерін даярлау сапасын арттыру үшін жұмыс берушілермен ынтымақтастықты одан әрі ынталандыру.
Іс-шараға Астана қаласының 20 практикалық денсаулық сақтау ұйымдарының басшылары мен өкілдері (дуальді оқыту және мақсатты оқытумен айналысатын медициналық ұйымдарының басшылары), «Парыз» мейіргерлер ісі мамандары РҚБ өкілдері, оқытушылар, студенттер және түлектер қатысты.
14.11.2022ж. Жоғары медициналық колледж білім алушылары кәмелеттік жасқа толмағандар арасында Астана қаласы «Алматы» ауданы ПБ ЖПҚБ ЮПБ УПИ полиция капитаны А.Н.Шаримбекова, полиция лейтенанты А.Б.Едембаева жасөспірімдер арасындағы құқықбұзушылықтың алдын алу, оның ішінде кәмелетке толмағандардың құқықтарын қорғау саласындағы заңға қайшы іс-әрекеттердің жолын кесу, олардың құқықтық сауаттылығын арттыру, сондай-ақ қылмыстық қоғамға қарсы әрекеттердің алдын алу, заңнамада көзделген жауапкершілік туралы ата-аналардың назарына жеткізу мақсатында түсіндірме жұмысын жүргізіп, дәріс оқыды.
Астана қаласының жоғары медициналық колледждің қабырғасында «Бір колледж - бір кітап» акциясы бойынша Ахмет Байтұрсыновтың 150 жылдығына арнап 2022 жылғы қараша айының 14-ші жұлдызында өткізілген «Ұлт ұстазы» атты әдеби шығармашылық іс-шараның есебі.
Қазақ тілі білімінің іргетасын қалаушы ғалым, ұлы ұстаз, сөз құдыретін танытқан айтулы ақын, қазақ баспасөз тілінің ұлттық үлгісін көрсеткен талантты публицист, шебер аудармашы, туған халқының руханиятына көп еңбегі сіңген алаш ардақтысы Ахмет Байтұрсынұлының 150 жылдығына арнап, ағартушылық бағыттағы мұраларын насихаттау мақсатында колледж кітапханасында «Бір колледж-бір кітап» акциясы аясында «Ұлт ұстазы» атты әдеби шығармашылық кеш өткізілді. 11м/і тобының білім алушылары Ұлт ұстазының әр түрлі тақырыптағы шығармаларын оқып, баспа беттеріндегі жарық көрген мақалалары жайында пікілерімен бөлісті.
Ағымдағы жылдың 09 қараша күні Жоғары медициналық колледж студенттері арасында жасөспірімдер қылмысының алдын алу, кәмелетке толмағандардың құқықтарын қорғау саласындағы құқық бұзушылықтардың жолын кесу, олардың құқықтық сауаттылығын арттыру, сондай-ақ қылмыстық қоғамға қарсы әрекеттердің алдын алу олардың зардаптарының ауырлығын төмендету мақсатында тәрбие сағаттары өтті.
