WorldSkills-бүкіл әлем бойынша кәсіби чемпионаттарды өткізу арқылы кадрлардың кәсіби дайындығы мен біліктілігінің стандарттарын арттыру үшін құрылған халықаралық коммерциялық емес ұйым. WorldSkills қозғалысы 1947 жылы Испанияда соғыстан кейінгі кезеңде елдің өнеркәсібін қалпына келтіру үшін қажетті жоғары білікті жұмысшы кадрлардың жетіспеушілігіне жауап ретінде құрылды.

WorldSkills өткізудің негізгі мақсаты - жұмыс берушілердің нақты сұраныстарына бағдарланған кәсіптік білім берудің қажеттілігін арттыру. Сонымен қатар, мұндай жарыстарға қатысу студенттерге өздерінің дайындық деңгейлерін және оқу аяқталғаннан кейін жұмысқа орналасу мүмкіндіктерін бағалауға мүмкіндік береді.

Естеріңізге сала кетейік, 5 қарашада елімізде "WorldSkills Kazakhstan 2021" VI республикалық чемпионаты басталды. Жоғары медициналық колледж студенттері, Студенттік Парламент мүшелері қатысқан ресми ашылуы, білім және ғылым министрі Асхат Аймағамбетовтың қатысуымен өтті.