14 қараша – Дүниежүзілік қант диабетімен күрес күні. 2024 жылғы қант диабетімен күрес күнінің тақырыбы «Кедергілерді жеңу, олқылықтарды жою» деп аталады. Бұл қант диабетімен ауыратын адамдарды емдеу, қолдау қажеттілігін көрсетеді. Қант диабеті – ағзада инсулин жеткіліксіз болған немесе оны тиімді пайдалана алмайтын жағдайларда туындайтын созылмалы ауру екендігінен білім алушыларды хабардар ету, оның алдын алу бағытында Жоғары медициналық колледжде оқытушылар мен студенттер арасында ақпараттық жұмыстар жүргізілді.
  Әрбір топтарда топ жетекшілер «Қант диабетінен сақтаныңыз!» атты тақырыптарда бірыңғай тәрбие сағаттары өткізді. Колледждің кіре беріс холлында орналасқан теледидардан «14 қараша – Дүниежүзілік қант диабетімен күрес күні» жайлы ақпараттар берілді.