04.06.2024ж. Жоғары медициналық колледжде 4 маусым – Қазақстан Республикасының рәміздері күніне орай «Мемлекеттік рәміздер – ұлттық мақтанышымыз» атты мерекелік іс- шара өтті.
Рәміздер күніне арналған құттықтау сөзін сөйлеген Ақбала Нұрсейітқызы ««JANA BELES FEST 2024» шығармашылық фестиваліне қатысқан білім алушыларға «Астана жастары» ЖРО» КММ басшысының берген Дипломдарын табыстады.
  Шараға жауапты 114 м/і қ. бакалавр тобы студенттері елін, жерін сүю мен Отанға деген адалдықтың бір белгісі – мемлекеттік рәміздерді қадір тұту екендігін насихаттады. Жас ұрпақты елжандылық негізде тәрбиелеуде де мемлекеттік нышандардың алар орны ерекше екендігін дәріптеп, өлеңдер оқыды, би биледі.
  1 курс білім алушысы Құлахмет Мансур өз қаламынан шыққан «Қыраным» атты шығармашылық өлеңін оқып берді. Шара соңы «Көк тудың желбірегені» әнімен қорытындыланып, студенттер естелікке суретке түсті.