2024 жылдың 4 мамырда Астана қаласы “Жоғары медициналық колледж” кітапханасының оқу залында студенттердің қатысуымен “Бақытым - Отаным” атты шығармашылық танымдық кеш өтті. Мақсаты: адамның бойындағы құрметтеуге тұратын ең ұлы қасиет - өз Отанына деген махаббат екенін ұғындыру. Әрбір адал, шыншыл, батыл, білімді адам өз Отанына абырой әкелетінін баса жеткізу. Іс- шараға студенттер белсене қатысып, Отан туралы өз шығармашылықтарынан өлеңдер оқыды. Дана адамдардың нақыл сөздерін оқып пікірлерін ортаға салды. Тағылымы мол іс - шарадан студенттер өз Отанында өмір сүріп жатқандары қандай бақыт екенін мақтанышпен сезінді. Кітап көрмесі де ұйымдастырылып, таныстырылды.