16.04.2024 ж. Жоғары медициналық колледж студенттеріне жасөспірімдер арасында қақтығыстардың түрлері және оның алдын алу эмоциялық күйін байқау және шешу жолдарын көрсету мақсатында «Қақтығыстарды шешуге үйрету» атты тақырыпта Астана қаласы №3 қалалық емхананың алдын алу және әлеуметтік-психологиялық көмек көрсету бөлімі мен «Жас Толқын» ЖДО психологі А.Е.Рахимжанова психологиялық семинар тренингін өткізді.
  Студенттерге қақтығыс, оның түрлері, құрылымы туралы теориялық материалды түсіндірді. Жанжалды жағдайларды талдау қабілетін қалыптастыруға үйретіп, қақтығыстарды шешудің баламаларын табуды көрсетті. Өз бетінше шешім қабылдау, бастамашылық таныту, топқа, ұжымға кіру және өз үлесін қосу, қиындықтарға төзімділік танытуға бағытталған ақпараттар берді. Жеке кеңес алуға шақырды.