20.03.2024ж. Жоғары медициналық колледж базасында 22 наурыз мерекесіне арналған «Наурыз – береке мен бірлік бастауы» атты мерекелік іс-шара өтті. «Наурызға шашу» биімен ашылған шарада Қыдыр ата бата беріп, әжелер шашу шашты.
Наурыз мерекесімен колледж директоры Ақбала Нұрсейітовна құттықтап, колледж қызметкерлерін марапаттады.
Мерекеде студенттер жарапазан айтты, қыз бен жігіт айтысын көрсетті. Оқытушылар тарапынан білім алушыларға «Наурыз көже» берілді. Қазақ халқының «Сыңсу», «Жар-жар», «Беташар» сынды әдет-ғұрыптары сахналанды. Ән айтылды, күй тартылды, көпшілік бір-біріне ризашылықтарын білдіріп тарқасты. Соңында естелікке суретке түсті.