30.10.2023 ж. № 3 қалалық емхананың профилактика және әлеуметтік-психологиялық көмек бөлімшесінің СӨС дәрігері А.Нұрмағамбетов Жоғары медициналық колледждің 1 курс студенттері арасында, «Ескерту. Қорғау. Егу!» ұлттық бағдарламасы аясында «ЖРВИ. Иммундау» тақырыбында семинар-тренингін өткізді. Семинар барысында жіті респираторлық вирустық инфекцияларға жататын жұқпалы аурулардың алдын алу мәселелері, сондай-ақ, ұйымдасқан топтарда оңай таралатын аурулардың алдын алу қағидаттарын сақтаудың маңыздылығы, халықты иммундау және иммунитет мәселелерінде хабардарлықты арттыру мәселелері айтылды. Жұқпалы аурулардың алдын алуға қатысты студенттермен ақпараттық-түсіндіру жұмыстары жүргізілді.