Астана қаласы Жоғары медициналық колледжінде 24 қазан кітапханашылар күніне орай 2023 жылдың 23-27 қазан аралығында "Артық білім кітапта" ағарту апталығы басталды. Колледж қабырғасында аталған апталыққа орай 27 қазан күні 14 мейіргер ісі тобымен "Кітаппен жарқын әлемге" атты әдеби викториналық кешті оқытушы Лаубаева А.Т. өткізді. Мақсаты: жастарға рухани байлықтың бәрі кітаптан табылатынын насихаттау. Кітап оқуға деген қызығушылықтарын арттыру. Білімнің қайнар көзі кітап екенін ұғындыру. Аталған іс-шарада студенттерге кітап жайлы және әдеби викториналық сұрақтарға қызыға, бір-бірімен ақылдаса жауаптар берілді. Іс-шараға қатысушылар кітап оқуға деген қызығушылықпен өте белсенді қатысты. Бұндай әдеби викториналық кештердің жастар үшін маңызды өте зор екені айқындалды.