12.05.2023ж. Жоғары медициналық колледжде 12 мамыр – Халықаралық Мейірбикелер күніне орай «Ақ халатты абзал жандар» атты мерекелік іс-шара өтті. Шараға жауапты 13 «Мейіргерлік іс» топ білім алушылары болды.

Мейірбике ісі денсаулық сақтау жүйесінің бөлінбес бөлшегі, денсаулықтың жаршысы, адам өмірінің қорғаушысы, науқастың дертіне дауа сыйлаушы, Гипократ антын қабылдап, міндетін мінсіз атқарып жүрген ақ халатты абзал жандар екендігін дәріптеді. Би биледі, ән айтты, медбике ісінің негізін салушы Флоренс Найтингейлдің өмірінен көрініс қойды. Студенттер қоғамда сұранысқа ие медицина мамандығы екендігіне тағы да көз жеткізді.