05.05.2023ж. Жоғары медициналық колледжде 9 мамыр – Ұлы Жеңістің 78 жылдығы қарсаңында «Батырлар ел жүрегінде» атты мерекелік іс-шара өтті.

Шара Ұлы Отан соғысында Отан үшін жан қиып, құрбан болған бабаларымызды еске түсіруге арналған бір минуттық үнсіздіктен басталды.

Мерекелік шарада колледж директоры Ақбала Нұрсейітқызы құттықтау сөз айтты. Сонымен қатар Цикл төрайымдары өз әріптестерін құттықтады, колледждің кәсіподақ ұйымының төрайымы Р.Артышева ер азаматтарға кәсіподақ атынан сыйлықтар табыстады.

Студенттер концерттік бағдарлама аясында би биледі, ұлы Жеңіс күніне арналған әндерді орындады. 

 Батыр ұл есімдері ақталады

Жыр болып жүректерде сақталады.

Ғасырдан ғасырларға аңыз етіп,

Ұрпағы мәңгі бақи мақтанады.

#9МАМЫРҰЛЫЖЕҢІСКҮНІ