31 мамыр - «Ашаршылық және репрессия құрбандарын еске алу күніне» орай Жоғары медициналық колледж студенттері 01 маусым күні «АЛЖИР» саяси қуғын-сүргін және тоталитаризм құрбандарының мұражай-мемориалдық кешеніне барды.

Экскурсия барысында студенттер саяси тұтқындардың өмірімен танысты. Дәл осы жерде Отанын сатқандар әйелдерінің Ақмола лагері орналасқан, онда әр жылдары 18 мыңнан астам әйел отырған. Кінәсі тек қамауға алынған, атылған «халық жауларының» әйелдері ғана болды.

Мұражай экспозициясы екі қабатта орналасқан. «Алаш» залында Ресей империясының құрамына кірген сәттен бастап Қазақстан тарихы, сондай-ақ кеңестік кезең ұсынылған.