Ағымдағы жылдың 15-19 ақпаны аралығында Нұр-Сұлтан қаласында «Жұлын нейрохирургиясының өзекті мәселелері» тақырыбында шеберлік сағаты өтті.Шеберлік сағатына елордамыздың көпсалалы ауруханаларының нейрохирургия мамандары қатысты және оны Германияның омыртқа хирургиясы клиникасының  басшысы, профессор Рудольф Бертаньоли жүргізді.

Аталған іс-шарада мамандар омыртқаның, жұлынның нейрохирургиялық ауруларының теориялық негіздері және клиникалық жағдайларды талдаумен тәжірибелік негіздер бойынша дағдылар алды, осылайша өздерінің жұлын нейрохирургиясы саласындағы кәсіби құзыреттіліктерін арттырды.Өз мәресіне жеткен шарада профессор Рудольф Бертаньоли  шеберлік сағатында білім алған отандық мамандарға өз қолымен Сертификаттар табыстады.