Астана қаласы Жоғары медициналық колледжінде 24 қазан кітапханашылар күніне орай 2023 жылдың 23-27 қазан аралығында "Артық білім кітапта" ағарту апталығы басталды. Колледж қабырғасында аталған апталыққа орай 26 қазан күні 13 м/і тобымен "Кітап - рухани жаңғыру құралы" атты танымды сабақты оқытушы Битенова Т.Ә. өткізді. Мақсаты: сапалы білімнің сенімді кепілі кітап біздің рухани құндылығымыз, теңдессіз байлығымыз екенін жастарға ұғындыру. Іс-шара барысында студенттер білімді, еңбекқор, бастамашыл, белсенді болуға қазірден бастап дағдыланулары керек екендіктерін түсінді. Ол үшін кітап оқыған адам білімді адам. Ал білімді адамы бар елде өсу мен өркендеу болады. Мемлекетімізді білімді жастар ғана дамыта алатынын студенттеріміз ұғынды. Іс-шара өз деңгейінде өтті.