2023 жылдың 17 мамырында Қолданбалы бакалавриат білім беру бағдарламасының  Оқу-әдістемелік  бірлестігінің  жұмыс жоспарына сәйкес Астана қаласы әкімдігінің «Жоғары медициналық колледжі» ШЖҚ МКК ұйымдастыруымен  ҚР жоғары медициналық колледждер студенттері арасында «Эрудит-анатом» атты республикалық қашықтық олимпиадасы өтті. 

  Олимпиаданың мақсаты мен міндеттері:

 1. Өтілген пәндер бойынша білім мен дағдыларды бекіту;

 2. Дарынды білім алушылардың интеллектуалдық дамуы мен қолдауына жағдай жасау;

 3. Өз бетінше жеке жұмыс істеу және кәсіби ойлау дағдыларын дамыту;

 4. Студенттерге адал бәсекелестік принциптерін үйрету.

 Олимпиада кешенді біріктірілген 43 тапсырманы орындауды қамтиды, олар: тест тапсырмалары – 20; логикалық тапсырмалар – 10; жағдаяттық тапсырмалар – 9, сызбалар мен   графикалық бейнелерге негізделген тапсырмалар – 4. Олимпиадаға 18 Жоғары медициналық колледжінен 33 студент қатысты.