28.02.2023 ж. Жоғары медициналық колледж «Медбикелік іс» мамандығы бойынша қолданбалы бакалавриат түлектеріне диплом беру рәсімі өтті. Іс-шара  ҚР Мемлекеттік Әнұранымен ашылып, түлектерге тарту ретінде колледждің «Томирис» би тобы «Шашу» биін орындады.

Іс-шараға Астана қаласы Қоғамдық денсаулық сақтау басқармасының басшысы Муратов Тимур Мұратұлы, Қазақстан Республикасы Денсаулық сақтау министрлігі Ғылым және адами ресурстар департаментінің мейірбике ісін дамыту басқармасының басшысы Жолжанова Назира Үсенқызы қатысты. Тимур Мұратұлы іс-шараның бет пердесін ашып, құттықтау сөз сөйлеп, түлектерге диплом табыстады. Өз кезегінде колледж директоры Ақбала Нұрсейітовна қадірлі қонақтар мен ата-аналарға ыстық ықыласын білдірді.

Мамандықтың ішіндегі ең қадірлісі медицина мамандығының қыр сырын үйренген түлектерге, денсаулық сақтау жолында абыройлы еңбек етеді деген сенім білдіріп, ақ жол тілейміз!