29 сәуір күні «Астана» концерт залында «Медициналық-әлеуметтік көмек» құзыреті бойынша «WorldSkillsNur-Sultan - 2022» кәсіби шеберліктің 3-ші қалалық чемпионатының салтанатты ашылуы өтті. Жоғары медициналық колледжінің директоры Саржанова Ақбала Нұрсейітқызы құттықтау сөз сөйлеп, жарысқа қатысушылардың барлығына сәттілік тіледі.

Колледжіміздің атынан чемпионатқа студенттер Қайрулла Алина Айдынқызы мен Байтұрсынова Тахмина Булатқызы қатысуда. Олар және басқа 6 үміткер үшін мұндай байқауға қатысу – мансап құруға, өз мамандығын дамытуға мүмкіндік.

Еске салайық, WorldSkills чемпионаты 18 бен 22 жас аралығындағы колледж студенттері мен кәсіпорындардың жас мамандары арасында түрлі құзыреттер бойынша өткізіледі. Жеңімпаздар WorldSkillsKazakhstan-2022 Ұлттық чемпионатына қатысады.